又諗起，一月六號衝擊美國國會案，衝擊班友係去完侵嘅集會，聽咗侵嘅號召，之後再操去國會嘅。當時已經有人問：侵算唔算「煽動顛覆國家政權」呢？按美國法例，唔算。第一，侵響個集會有叫大家fight like hell, 但fight唔一定解打人，政治演說一向有修辭成份。第二，由集會地點去到國會要行半個鐘，雖然侵叫大家fight, 啲人去到真係開咗拖打人，但因為隔咗半個鐘，法庭會假設啲人已經有充分時間思考同冷靜，佢哋當場做咗乜就唔關侵事，唔算煽動。所以當時美國主流好快就有共識，響一個保護言論自由嘅國家，侵嘅責任係政治問題，唔係法律問題。